நடிகர் ரஜினிகாந்த் நடிக்கும் காலா திரைப்படம் வரும் ஜூன் மாதம் 7-ந் தேதி வெளியாகும் என அறிவிக்கப்பட்டுள்ளது. ‘கபாலி’ படத்துக்கு பிறகு மீண்டும் ரஜினிகாந்த்தை வைத்து பா.ரஞ்சித் இயக்கியுள்ள படம் ‘காலா’. இப்படத்தை தனுஷின் வுண்டர்பார் பிலிம்ஸ் நிறுவனம் தயாரித்துள்ளது.’காலா’ படம் ஷங்கரின் இயக்கத்தில் உருவாகும் ‘2.ஓ’ படத்தின் ரிலீஸுக்கு பிறகு வெளியாகும் எனக் கூறப்பட்டது. 
ஆனால், ‘2.ஓ’ கிராபிக்ஸ் பணியின் தாமதத்தால் ‘காலா’ படத்தை முன்கூட்டியே வெளியிட முடிவு செய்யப்பட்டு , கடந்த மாதம் ,காலா திரைப்படம் ஏப்ரல் 27-ந் தேதி வெளியாகும் என நடிகர் தனுஷ் தனது டுவிட்டரில் அறிவித்துஇருந்தார்.ஆனால்,சினிமா ஸ்டிரைக் உள்ளிட்ட தவிர்க்க முடியாத பிரச்னைகளால் தற்போது காலா திரைப்படம் வரும் ஜூன் மாதம் 7 ம்தேதி வெளியாவதாக நடிகரும், இப்படத்தின் தயாரிப்பாளருமான தனுஷ் தனது டுவிட்டர் பக்கத்தில் தெரிவித்துள்ளார்.இது ரஜினி ரசிகர்களிடையே பெரும் உற்சாகத்தை ஏற்படுத்தியுள்ளது.
காலா ஜூன் மாதம் 7 ம்தேதி வெளியாகிறது!-தனுஷ் அதிகாரபூர்வ அறிவிப்பு!!
