வைல்ட் லைப் போட்டோகிராபர் கதாபாத்திரத்தில் ஆண்ட்ரியா !

ஷாலோம் ஸ்டுடியோஸ் பட நிறுவனம் சார்பில் ஜான்மேக்ஸ், ஜோன்ஸ் இருவரும் இணைந்து தற்போது  “ பொட்டு “ படத்தை மூன்று மொழிகளில் தயாரித்து வருகிறார்கள். பொட்டு படம் மே மாதம் வெளியாக உள்ளது.அதை தொடர்ந்து ஜான்மேக்ஸ், ஜோன்ஸ் ஆகியோர் இணைந்து தயாரிக்கும் படத்திற்கு “ கா “ என்று வித்தியாசமாக தலைப்பு வைத்துள்ளனர்.இப்படத்தின் கதை, திரைக்கதை, வசனம் எழுதியியக்கியுள்ள நாஞ்சில் கூறியதாவது,
”இந்த படத்தில் ஆண்ட்ரியா கதாநாயகியாக நடிக்கிறார். முழுக்க முழுக்க கதாநாயகியை முன்னிலைப் படுத்தி உருவாக்கப் பட்டுள்ள இந்த படத்தில் ஆண்ட்ரியா கதாநாயகியாக நடிக்கிறார். கா என்றால் இலக்கியத் தமிழில் காடு, கானகம் என்று பொருள்படும். முழுக்க முழுக்க காட்டை மையப்படுத்தி கதை உருவாக்கப் பட்டுள்ளதால் “ கா “ என்று பெயர் வைத்துள்ளோம்கொடிய மிருகங்கள் வாழும் காட்டுப் பகுதிகளுக்கு சென்று அவற்றின் வாழ்க்கை முறைகளையும் மற்றும் குணாதிசயங்களையும் பதிவு செய்யும் வைல்ட் லைப் போட்டோகிராபர் கதாபாத்திரத்தில் ஆண்ட்ரியா நடிக்கிறார்.முக்கிய கதாபாத்திரத்தில் இளவரசு மற்றும் நீண்ட இடைவெளிக்கு பிறகு சலீம் கவுஸ் நடிக்கிறார். மற்ற நட்சத்திரங்கள் தேர்வு நடைபெற்றுக் கொண்டிருக்கிறது.முழுக்க, முழுக்க காட்டை மையப்படுத்தி கிரைம் திரில்லர் படமாக உருவாக உள்ளது .இதன் படப்பிடிப்பு விரைவில் துவங்கி அந்தமான், மூணார், மேற்கு தொடர்ச்சி மலைகள் போன்ற இடங்களில் நடைபெற உள்ளது.உலக மக்களுக்கான படம் இது என்கிறார் இப்படத்தின் கதை, திரைக்கதை, வசனம் எழுதி இயக்கியுள்ள நாஞ்சில். இப்படத்தின் ஒளிப்பதிவை அறிவழகன் கவனிக்க,அம்ரிஷ் இசையமைக்கிறார்.எடிட்டிங்     –        கோபிகிருஷ்ணா,கலை           –        லால்குடி இளையராஜா, ஸ்டன்ட்      –        விக்கி,நிர்வாக தயாரிப்பு          –        சங்கர்