“உங்களோட சூப்பர்ஸ்டார் இமேஜ் எல்லாம் அரசியலுக்கு உதவாது. அது களிமண் குதிரை அதிலே ஏறி ஆத்தில சவாரி பண்ணலாமா, வேணாம்பா. விட்ருங்க.பெரியண்ணன் சொன்னா கேட்டுக்கணும்!” என்கிற ரேஞ்சுக்கு புத்திமதிகளை சொல்லி இருக்கிறார் பிஜேபியின் உள்ளடி அதிரடி வேட்டைக்காரர் சத்ருகன் சின்கா.
மோடியுடன் அடிக்கடி முட்டி தலைமைக்கு ரெட்டைத் தலைவலியாக இருக்கிறவர்தான் இந்த சின்கா.
இவருடைய ஸ்டைலை பின்பற்றுவதாக அவ்வப்போது சூப்பர் ஸ்டார் ரஜினியும் சொல்வது உண்டு.
உலக நாயகன் கமலுக்கும் நண்பர்தான் சின்கா.
தமிழகத்தில் கமல் ரஜினி இருவருமே அரசியலுக்கான ஆரம்ப கட்ட வேலைகளை தொடங்கி விட்ட நிலையில் முட்டுக்கட்டைப் போடுவதைப் போல சின்கா அறிவுரைகளை அள்ளி விட்டிருக்கிறார்.
அவர் பார்த்த,பார்த்துக்கொண்டிருக்கிற அரசியல் வேற.
இவர்கள் இன்னமும் பார்க்கவே இல்லை. தங்களுக்குரிய மணப்பெண் எப்படிப்பட்டவளாக இருப்பாள் என்பதை படமாக வரைந்து வைத்திருப்பார்களா என்பதே சந்தேகம்தான். எந்த புண்ணியவானோ சாவி கொடுத்துக் கொண்டிருக்கிறான் .இவர்களும் ஆடிக் கொண்டிருக்கிறார்கள்.
“கமல்,ரஜினி இருவருமே எந்தவிதமான திட்டமும் இல்லாமல் அரசியலில் குதிக்கப்போகிறார்கள். அவர்களது அரசியல் அடிப்படையே சரி இல்லை .உங்களுக்கு எதுக்குப்பா அரசியல்? வேணாம் வராதிங்க” என்கிறார் ஷாட் கன் சின்கா,
