அட்டக்கத்தி படத்துக்குப் பிறகு ஐஸ்வர்யா ராஜேசுடன் சேர்ந்து சோபியா நடித்திருக்கும் படம் ஏ எல்.விஜய்யின் ‘லட்சுமி’. நம்ம நாட்டு மைக்கேல் ஜாக்சன் என எல்லோரும் வியக்கும் பிரபுதேவாவுடன் நடித்திருக்கிறார், எல்லோரும் கேட்பதைப் போல ‘அவருடன் ஆடிய அனுபவம் எப்படி? எறும்புக்கே இடுப்பு படக் னு ஓடியிற அளவுக்கு மூவ்மெண்ட்ஸ் போடுற ஆளாச்சே!”என்றதும் கண்கள் விரியப் பேசுகிறார் சோபியா. நல்லா தமிழ் பேசுகிற பெண்.
“நாம்ப ரெண்டு நாள் கடுமையா பிராக்டீஸ் பண்ணிட்டுப் போயிருப்போம். செட்டுக்கு வந்ததும் அசிஸ்டென்ட்டிடம் ஸ்டெப்ஸ் போட்டுக் காட்டச்சொல்வார். அவ்வளவுதான். பிரமாதமா ஆடிடுவார்.நமக்கு ஆச்சரியமா இருக்கும். நம்ம இரண்டு டேக் வாங்கினாலும் ‘பரவாயில்ல சூப்பரா ஆடுறே. கொஞ்சம் மிஸ்டேக் ஆகிருச்சு “ன்னு தட்டிக்கொடுத்து உற்சாகப்படுத்துவார், இந்த படத்தில தித்யான்னு ஒரு குட்டிப் பொண்ணு.சான்சே இல்லிங்க அவ்வளவு சூப்பரா ஆடியிருக்கு” என்கிறார் சோபியா.
