உலகநாயகன் கமல்ஹாசனின் தேவர் மகன் சூப்பர் ஹிட் படம்.நடிகர் திலகம் சிவாஜி கணேசன், ரேவதி, வடிவேலு ஆகியோர் நடித்திருந்த படம்.
அண்மையில் அவர் எடுத்திருந்த விஸ்வரூபம் 2 பாக்ஸ் ஆபீஸில் எதிர்பார்த்த அளவு வெற்றி பெறவில்லை என்கிற மனக்குறை இருக்கிறது. அரசியல் தன்னை காந்தமாக இழுத்துக் கொண்டிருந்தாலும் பிரமாண்ட இயக்குநர் ஷங்கரின் இந்தியன் 2 படத்தில் நடிக்க வேண்டிய கட்டாயம் .
வருகிற டிசம்பரில் படப்பிடிப்பு தொடங்குகிறது. இதற்கிடையில் தேவர் மகன் 2 வின் ஸ்கிரிப்ட் வேலைகளும் ஒரு பக்கம் நடந்து கொண்டிருக்கிறது..
இந்தியன் 2 க்குப் பிறகு முழு நேர அரசியல்தான் என்று அவர் முன்னர் சொல்லி இருந்தாலும் ரசிகர்களை திருப்தி படுத்த வேண்டிய கட்டாயமும் இருக்கிறது. இதனால் தேவர் மகன் 2 எதிர்பார்க்கலாம் என்கிறார்கள். அரசியலுக்கு உதவியாகவும் இருக்கும் அல்லவா!
