VEDALAM
CAST AND CREW
Cast: Ajith, Lakshmi Menon, Shruti Haasan, Soori
Direction: Siva
Screenplay: Siva
Story: Siva
Music: Anirudh Ravichander
Cinematography: Vetri
Editing: Ruben.
Rating;2/5.
அஜித் (கணேஷ்), தன் பாசக்காரத் தங்கை (தமிழ்) லட்சுமி மேனனின் படிப்பிற்காக கொல்கத்தாவில் குடியேறுகிறார். டிராவல்ஸ் ஏஜென்சி நடத்தும் லட்சுமிதாஸை (சூரி) சந்திக்கிறார். அந்த கம்பெனியில் பரம சாதுவான அஜித் டிரைவராக வேலைக்கு சேர்கிறார்.இந்நிலையில் தான் உண்டு தன வேலையுண்டு என இருக்கும் அஜித், திடீரென சர்வதேச கடத்தல் கும்பலைப் பிடிக்க காவல்துறைக்கு உதவுகிறார் அஜித். இதன் காரணமாக அந்த சர்வதேச மாபியா கும்பல் அஜித்தைக் கொல்ல வரும்போது அஜித்தின் இன்னொரு முகம் வெளிப்படுகிறது. தாதா கும்பலுடன் கொலை வெறியுடன் மோதும் அஜித்தின் (வேதாளம்) மற்றொரு முகத்தை கதாநாயகி ஸ்ருதி ஹாசன் பார்த்து கடும் அதிர்ச்சியடைகிறார். (மிகச் சரியாக ஸ்ருதி அங்கு வருவது இயக்குனருக்கே வெளிச்சம்!) இந்நிலையில் , லட்சுமி மேனன், அஸ்வின் நிச்சயதார்த்த வேலைகள் தொடங்கும் நேரத்தில் சர்வதேச கடத்தல் கும்பலால் தமிழ் கடத்தப்படுகிறார்.இதையடுத்து லட்சுமிமேனன் நிச்சயதார்த்தம் நடந்ததா? இல்லையா? பரம சாதுவான கணேஷ் உண்மையில் யார்?அஜித்துக்கும் அந்த சர்வதேச தாதா கும்பலுக்கும் என்ன தொடர்பு? இதுதான் வேதாளம் போடும் புதிர்!. “நீ கெட்டவன்னா, நான் கேடு கெட்டவன்”… ‘தெறிக்க விடலாமா’ போன்ற அஜித்தின் வசனங்கள் அவரது ரசிகர்களுக்கு இனிமேல் காயத்ரி மந்திரமாகி விடலாம், ஏய்,பாட்ஷா உள்ளிட்ட பல படங்களின் ஞாபகங்கள் நமக்கு அநியாயத்திற்கு வந்து போகிறது. ஷாக்கை குறை, ஷாக்கை குறை என முழங்கும் சூரி, அஜித்தால் தன் ( கோவை சரளா) மாமியாரிடமும், மனைவியிடமும் சிக்கிக்கொள்ளும் இடங்கள் சுவாரஸ்யம். மயில்சாமி, சாமிநாதன், கோவை சரளா என்று காமெடி நடிகர்கள் இருந்தும் நகைச்சுவை எரிச்சல் ரகம் தான்! சூரி இன்னும் கொஞ்சம் மெனக்கெட்டு சிரிக்க வைக்க முயற்சித்திருக்கலாம்! அனிருத்தின் இசையில் … ஆலுமா ,டோ லுமா .. வீர விநாயகா பாடல்கள் அஜித்தின் ரசிகர்களை ஆட வைக்கின்றன.படம் முழுவதும் வரும் லட்சுமி மேனன் நடிப்பும், கதாபாத்திரமும் கச்சிதம். நாயகி ஸ்ருதிஹாசன் வழக்கமான நாயகிகள் போலவே வருகிறார்,. கவர்ச்சி ஆட்டமும் போடுகிறார். அவ்வளவே !!அஜித் போன்ற ஒரு மாஸ் ஹீரோவை இயக்குனர் அநியாயத்திற்கு வீணடித்திருக்கிறார் எனலாம். எடிட்டர் ரூபன், ஸ்டண்ட் மாஸ்டர் சில்வா, ஒளிப்பதிவாளர் வெற்றி, இசையமைப்பாளர் அனிருத் ஆகியோர் படத்துக்கு சிறிது உயிர் கொடுத்திருக்கிறார்கள். இயக்குனர் பாணியில் சொல்வதென்றால் புது பாட்டிலு ! புளித்துப் போன சரக்கு! லாஜிக் துளியும் இல்லாத வேதாளம், ‘தல’ ரசிகர்கள் மட்டுமே ரசிக்கும் படம். மொத்தத்தில் தாளம் தப்பிய “வேதாளம்”!
RATING – 2/5.
