பாண்டவர் பூமி, மெளனம் பேசியதே, சாமி, ஆட்டோகிராஃப், சூரறைப்போற்று உள்ளிட்ட 700-க்கும் மேற்பட்ட படங்களில் சுமார் 2500-க்கும் அதிகமான பாடல்களை எழுதியவர் கவிஞர் சினேகன்.மேலும் யோகி, உயர்திரு 420, கோமாளி உள்ளிட்ட படங்களிலும் நடித்துள்ளார். கமல் ஹாசனின் மக்கள்நீதிமய்யம் கட்சியிலும் இளைஞரணி செயலாளர் என்ற முக்கிய பொறுப்பில் உள்ளார் . சமீபத்தில் நடந்து முடிந்த சட்டமன்ற தேர்தலில் சென்னை விருகம்பாக்கம் தொகுதியில் போட்டியிட்டு தோல்வியடைந்தார்.இந்நிலையில் தற்போது 43 வயதாகும் சினேகனுக்கு வரும் ஜூலை 29 ம் தேதி கன்னிகா என்ற பெண்ணுடன் திருமணம் நடக்க உள்ளதாகவும் இவரது திருமணத்தை கமல்ஹாசன் நடத்தி வைக்க உள்ளதாகவும் தகவல்கள் வெளியாகியுள்ளது.
