‘அமைதிப்படை-2’, ‘கங்காரு’, ‘மிக மிக அவசரம்’ உள்ளிட்ட படங்களை தயாரித்த வி ஹவுஸ் நிறுவனம் தற்போது வெங்கட் பிரபு இயக்கத்தில் சிலம்பரசன், கல்யாணி பிரியதர்ஷன், எஸ் ஜே சூர்யா நடிப்பில் ‘மாநாடு’ என்கிற படத்தை தயாரித்துள்ளது இப்படம் விரைவில் திரைக்கு வரவுள்ளது.
இந்நிலையில் தனது அடுத்த தயாரிப்பு குறித்த அதிகாரப்பூர்வ அறிவிப்பை வி ஹவுஸ் நிறுவனத்தின் தயாரிப்பாளர் சுரேஷ் காமாட்சி வெளியிட்டுள்ளார். இப் படத்தை ‘கற்றது தமிழ்’, ‘தங்க மீன்கள்’, ‘பேரன்பு’ உள்ளிட்ட படங்களை இயக்கிய இயக்குநர் ராம் இயக்குகிறார்.
இதில், மலையாளத் திரையுலகில் இளம் முன்னணி நாயகனாக வலம்வரும் நிவின்பாலி கதாநாயகனாக நடிக்கிறார். அஞ்சலி கதாநாயகியாக நடிக்கிறார்., சூரி முக்கிய வேடத்தில் நடிக்கும் இப்படத்துக்கு யுவன் சங்கர் ராஜா இசையமைக்கிறார்
