காட்டுமிராண்டி தனத்துடனேயே என்னை அனுகினர்,விவாரத்து குறித்து நடிகை லிசி குமுறல்!!

நடிகை லிசி-இயக்குனர் பிரியதர்சன் ஆகியோருக்கு இன்று பரஸ்பர விவாகரத்து அளித்து சென்னை உயர் நீதிமன்றம் உத்தரவிட்டது. கடந்த சில மாதங்களுக்கு முன்பு லிசி-இயக்குனர் பிரியதர்சன் கருத்து வேறுபாடு ஏற்பட்டு பிரிந்து வாழ்ந்து வந்த நிலையில் இருவரும் பரஸ்பர விவாகரத்து கேட்டு சென்னை குடும்பநல நீதிமன்றத்தில் மனு கொடுத்தனர் .இருவரும் சுமூக உடன்பாட்டின் படி தங்களது சொத்துக்களையும் பிரித்து கொண்டனர்.இந்நிலையில் இன்று நடிகை லிசி-இயக்குனர் பிரியதர்சன் ஆகியோருக்கு இன்று பரஸ்பர விவாகரத்து அளித்து சென்னை உயர் நீதிமன்றம் உத்தரவிட்டது. இதையடுத்து நடிகை லிசி தங்களது இல்லற வாழ்க்கை குறித்து பத்திரிகைகளுக்கு செய்தி அனுப்பியுள்ளார். அதில் கூறியுள்ளதாவது,

“இன்று பிரியதர்ஷன் உடனான எனது விவாகம் அதிகார்வபூர்வமாக ரத்து செய்யப்பட்டு விட்டது. இன்று சென்னையில் நாங்கள் இருவரும் அதற்கான அதிகாரபூர்வ படிவங்களில் நாங்கள் இருவரும் கையெழுத்திட்டுவிட்டோம். விவாகரத்திற்காக  விண்ணப்பித்து விட்டு நான் காத்திருந்த காலம் எனக்கு மிகவும் சோதனையாக அமைந்தது. சமீப காலங்களில் ஹிரித்திக் ரோஷன் – சுசேன், திலீப் – மஞ்சு, விஜய் – அமலா பால் ஆகியோ விவகாரத்திற்கு விண்ணப்பித்ததாக வந்த தகவல்கள் அறிந்து நான் அவர்களுக்காக பெரிதும் வருந்தியிருக்கிறேன். அது போன்ற நிகழ்வுகள் அவர்களுக்கும் மன வருத்தத்தையே அளித்திருக்கும். இருந்தும் அவர்கள் ஒருவருக்கொருவர் பரஸ்பரம் மரியாதையளித்தே பிரிந்தனர். ஆனால் எனது நிலையோ இதிலிருந்து முற்றிலும் மாறுபட்டதாக இருந்தது. சென்னை உயர்நீதி மன்றம் தலையீட்டு வரை என்னை கடுமையாக காட்டுமிராண்டி தனத்துடனேயே என்னை அனுகினர். எங்கள் விவகாரத்தே,எங்கள் வாழ்க்கை எப்படியொரு அருவெருக்கத்தக்கதாக இருந்திருக்குமென பறைசாற்றியிருக்கும். என் வாழ்வில் கடினமான நெடிய பாதை இத்துடன் நிறைவடைந்து விட்டதாக கருதுகிறேன். இத்தருணத்தில் இது போன்ற ஒரு நெருக்கடியான சூழ்நிலையில் எந்த வித எதிர்பார்ப்புமின்றி என்னுடன் இருந்த வழக்கறிஞர்கள், நண்பர்கள் மற்றும் நலம் விரும்பிகளுக்கு எனது நன்றியினை தெரிவித்து கொள்கிறேன். எனக்கு பெரிதும் உறுதுனையாக இருந்த ஊடக நண்பர்களுக்கும் இத்தருணத்தில் நன்றியினை தெரிவித்து கொள்கிறேன். என் இரு குழந்தைகளின் காதலும், பாசத்திற்கும் என்றும் நான் நன்றி கடன் பட்டிருக்கிறேன். இவை அனைத்தையும் தாண்டி எல்லாம் வல்ல இறைவனுக்கு நன்றி.’ இவ்வாறு அதில் கூறப்பட்டுள்ளது.