கடந்த 2005 ஆம் ஆண்டுரஜினிகாந்த்,பிரபு,வடிவேலு நயன்தாரா,ஜோதிகா ஆகியோரது நடிப்பில் வெளியாகி பெரும் வரவேற்பை பெற்ற சந்திரமுகி படத்தை தொடர்ந்து இயக்குநர் பி. வாசு இயக்கத்தில் 65 ஆவது படமாக ‘சந்திரமுகி 2’.உருவாகியுள்ளது.
இதில் ராகவா லாரன்ஸ், கங்கனா ரனாவத், வடிவேலு, ராதிகா சரத்குமார், ராவ் ரமேஷ், ஒய். ஜி. மகேந்திரன், ரவி மரியா, சுரேஷ் மேனன், விக்னேஷ், சாய் அய்யப்பன், சத்ரு, டி. எம். கார்த்திக், மகிமா நம்பியார், லட்சுமி மேனன், சிருஷ்டி டாங்கே , சுபிக்ஷா கிருஷ்ணன் உள்ளிட்ட பலர் நடித்திருக்கிறார்கள்.
ஆர். டி. ராஜசேகர் ஒளிப்பதிவு செய்திருக்கும் இந்த திரைப்படத்திற்கு ஆஸ்கார் விருது வென்ற இசையமைப்பாளர் எம். எம். கீரவாணி இசையமைத்திருக்கிறார். ஹாரர் திரில்லர் வித் ஆக்சன் என்டர்டெய்னராக தயாராகி இருக்கும் இந்த திரைப்படத்தை ஜி.கே. எம். தமிழ்குமரன் தலைமை வகிக்கும் லைக்கா புரொடக்ஷன்ஸ் தயாரித்திருக்கிறது.
இப்படத்தின் படப்பிடிப்பு சமீபத்தில் நிறைவடைந்து, இதையடுத்து இப்படத்தின் இறுதி கட்டப் பணிகள் மும்முரமாக நடந்து வருகிறது. இந்நிலையில் இந்த திரைப்படம் விநாயகர் சதுர்த்தியன்று தமிழில் மட்டுமல்லாமல் தெலுங்கு, மலையாளம், கன்னடம், இந்தி ஆகிய இந்திய மொழிகளில் வெளியாகும் என அதிகாரப்பூர்வமாக அறிவிக்கப்பட்டிருக்கிறது.
