பிரசாந்த் வர்மா -தேஜா சஜ்ஜா- பிரைம்ஷோ என்டர்டெய்ன்மென்ட் கூட்டணியில் தயாரான திரைப்படம், ‘ஹனு-மேன்’. இப்படத்தில் தேஜா சஜ்ஜா, அமிர்தா ஐயர், வினய் ராய், வரலட்சுமி சரத்குமார், கெட்டப் சீனு, சத்யா, ராஜ் தீபக் ஷெட்டி உள்ளிட்ட பலர் நடித்திருக்கிறார்கள்.
தாசரதி சிவேந்திரா ஒளிப்பதிவு செய்திருக்கும் இந்த திரைப்படத்திற்கு கௌரஹரி, அனுதீப் தேவ், கிருஷ்ணா சௌரப் ஆகிய மூவர் இணைந்து இசையமைத்திருக்கிறார்கள்.
இந்தத் திரைப்படத்தை ப்ரைம் ஷோ என்டர்டெய்ன்மென்ட் எனும் பட நிறுவனம் சார்பில் தயாரிப்பாளர் கே. நிரஞ்சன் ரெட்டி தயாரித்திருக்கிறார்.’ஹனு-மேன்’ அடிப்படையில் அஞ்சனாத்திரி என்ற கற்பனை இடத்தில் அமைக்கப்பட்டுள்ளது கதாநாயகன் அனுமனின் சக்திகளை பெற்று அஞ்சனாத்திரிக்காக எப்படி போராடுகிறான் என்பதுதான் படத்தின் கதை.
இந்த திரைப்படம் அடுத்த ஆண்டு ஜனவரி 12ஆம் தேதியன்று பான் இந்திய படமாக வெளியாகிறது.
இப்படத்தின் தரத்தை உயர்த்தும் அளவிற்கான கிராபிக்ஸ் வேலைகள் இருப்பதால்.. தாமதம் ஏற்படுகிறது. தயாரிப்பு பணிகள் நிறைவடைந்து தற்போது இறுதி கட்டப் பணிகள் விறுவிறுப்பாக நடைபெற்று வருகிறது. இப்படத்தின் வி எஃப் எக்ஸ் வேலைகளில் திறமையான தொழில்நுட்ப குழுவினர் பணியாற்றி வருகிறார்கள்.
‘ஹனு-மேன்’ திரைப்படம் , பான் இந்தியா அளவில் விளம்பரப்படுத்தவும், வெளியீட்டு தேதியுடனான பிரத்யேக போஸ்டரில் கதாநாயகன் தேஜா சஜ்ஜா தனது கையில் அனுமன் கொடியுடன் ஒரு மலையிலிருந்து மற்றொரு மலைக்கு குதிக்கும் காட்சி இடம்பெற்றுள்ளது.
மிகச் சிறந்த விசுவல் எபெஃக்ட்ஸ் கொண்ட டீசருக்கு நாடு முழுதும் அமோக வரவேற்பு கிடைத்து வருகிறது .
தமிழ், தெலுங்கு, இந்தி, மலையாளம், கன்னடம், ஆங்கிலம், ஸ்பானிஷ்,
கொரியன், சீனம் மற்றும் ஜப்பானீஸ் ஆகிய பல மொழிகளில் ‘ஹனு-மேன்’ பான் -வேர்ல்ட் படமாக வெளியாகும்.
