அறம் புரொடக்ஷன் என்ற பட நிறுவனம் சார்பில்பி.ராமலிங்கம் தயாரிக்கும் புதிய படத்திற்கு வித்தியாசமாக ” P- 2 ” என்று பெயரிட்டுள்ளனர்.இந்த படத்தின் மூலம் கன்னடம், தெலுங்கு உட்பட 10 கும் மேற்பட்ட படங்களில் கதாநாயகனாக நடித்துள்ள மனோஜ் தமிழில் கதாநாயகனாக அறிமுகமாகிறார்.
கதாநாயகியாக சமீபத்தில் வெளியான யாத்திசை படத்தில் நடித்த சித்து குமரேசன் நடிக்கிறார். இவர்களுடன், இளவரசு, ராஜசிம்மன், சம்பத்ராம், தீபா மற்றும் மஸ்காரா அஸ்மிதா ஆகியோர் நடிக்கிறார்கள்.
இப்படத்துக்கு ‘தேனிசை தென்றல்’ தேவா இசையாமைக்கிறார். இதன் ஒளிப்பதிவை எஸ்.ஆர்.வெற்றி மேற்கொண்டுள்ளார்.இப்படத்தின் பூஜை மற்றும் பாடல் பதிவை தயாரிப்பாளர் மற்றும் திரைப்பட விநியோகஸ்தர் சி.என் .ரவிகுமார் இன்று இசையமைப்பாளர் தேவா ஸ்டுடியோவில் துவக்கி வைத்தார்.
இப்படத்தின் கதை, திரைக்கதை, வசனம் எழுதி இயக்கி வரும் சிவம் கூறியதாவது….”ஹாரர் மற்றும் திரில்லர் கலந்து இந்த கதையை உருவாக்கி இருக்கிறோம். நம்பிக்கை துரோகத்தை மையப்படுத்தி திரைக்கதையை அமைத்திருக்கிறோம்.
தேனிசை தென்றல் தேவா இசையமைப்பதால் இந்த படத்திற்கு கூடுதல் பலம் கிடைத்துள்ளது.இதன் படப்பிடிப்பு முழுவதும் சென்னை மற்றும் சுற்றுவட்டார பகுதிகளில் நடைபெற உள்ளது” என்கிறார் .
