ஜெய் பீம் படத்தை இயக்கிய இயக்குனர் த .செ. ஞானவேல் இயக்கத்தில் ரஜினிகாந்த் நடித்து வரும் புதிய படம், ‘வேட்டையன்’ , இதில் ரஜினியுடன் அமிதாப் பச்சன், பகத் ஃபாசில், மஞ்சு வாரியர், ராணா டகுபதி, ரித்திகா சிங் மற்றும் துஷாரா விஜயன் உள்ளிட்ட பலர் நடித்து வருகின்றனர் இப்படத்தை தொடர்ந்து,அடுத்ததாக லோகேஷ் கனகராஜ் இயக்கத்தில் உருவாக உள்ள ‘தலைவர் 171’ படத்தில் ரஜினிகாந்த் நடிக்க உள்ளார்.அப்படத்தில் ரஜினிக்கு வில்லனாக ராகவா லாரன்ஸ் நடிக்கப் போவதாக தகவல்கள் வெளியாகி உள்ளன.இந்நிலையில், பிரபல பாலிவுட் தயாரிப்பாளர் சஜித் நடியாவாலா ரஜினிகாந்த் அவரது இல்லத்தில் சந்தித்துள்ளார் . அந்த புகைப்படத்தை தனது சமூக வலைதளத்தில் வெளியிட்ட சஜித் நடியாவாலா, ‘சூப்பர் ஸ்டாருடன் இணைந்து பணியாற்றப் போகிறேன், ரொம்பவே சந்தோஷமாக இருக்கு’ என பதிவிட்டுள்ளார்.பாலிவுட்டில் பல படங்களை தயாரித்துள்ள சஜித் நடியாவாலா தயாரிப்பில் உருவாகும் புதிய படத்தில் ரஜினிகாந்தின் பங்கு என்ன? என்பது குறித்தும், என்ன படம்? யார் இயக்குநர்? என்பது குறித்தும் விரைவில் தகவல்கள் வெளியாகும் என தெரிகிறது
