ஜெயிலர்’ படத்தைத் தொடர்ந்து நடிகர் ரஜினிகாந்த் சிறப்பு தோற்றத்தில் நடித்த லால்சலாம் படு தோல்வியை சந்தித்த நிலையில், தற்போது ‘ஜெய் பீம்’’ த.செ.ஞானவேல் இயக்கத்தில் தனது170-வது படமான ‘வேட்டையன்’ படத்தில் நடித்து முடித்துள்ளார்
லைகா நிறுவனம் தயாரித்துள்ள இப்படத்துக்கு அனிருத் இசையமைத்துள்ளார்
இப்படம் வரும் அக்டோபர் 10-ம் தேதி திரைக்கு வருகிறது. இந்நிலையில்,அடுத்து ரஜினிகாந்த் லோகேஷ் கனகராஜ் இயக்கத்தில் உருவாகவுள்ள ‘கூலி’ படத்தில் நடிக்கிறார்.தங்கக் கடத்தல் பின்னணியில் ஆக்சன் திரைப்படமாக உருவாகும் இப்படத்தில் நாகார்ஜுனா, ஸ்ருதிஹாசன், ரன்வீர் சிங் உள்ளிட்ட பல நட்சத்திர நடிகர்கள் நடிக்கவுள்ளதாக கூறப்படுகிறது.
கடந்த 2 மாதங்களுக்கு முன்பு வெளியான இந்த படத்தின் டைட்டில் டீஸர் பெரிய அளவில் வரவேற்பை பெற்ற நிலையில்,இயக்குனர் லோகேஷ் கனகராஜ். தற்போது ரஜினிக்கு ‘கூலி’ படத்துக்காக ‘லுக் டெஸ்ட்’ நடத்தி இருக்கிறார்
இப்படம் தனது எல்சியூவில் வராது என ஏற்கனவே கூறியுள்ள லோகேஷ் கனகராஜ் தற்போது இது குறித்த புகைப்படங்களை தனது சமூக வலைதளத்தில் வெளியிட்டு, இப்படத்தின் படப்பிடிப்பு வரும் ஜூலை மாதம் தொடங்கும் என்றும் அறிவித்துள்ளார்
