வி எஸ் ஃபிலிம்ஸ் மேக்கர்ஸ் மற்றும் அனகா பிக்சர்ஸ் நிறுவனம் சார்பில், எஸ் ஜெயபாலா மற்றும் ஜி சுகன்யா ஆகியோர் இணைந்து தயாரிக்கும் புதிய படத்துக்கு ‘கரும்புள்ளி கிராமம்’ எனப் பெயரிடப்பட்டுள்ளது. இப்படத்தில் டான்ஸ் மாஸ்டர் தினேஷ் கதாநாயகனாகவும், ஸ்வேதா டோராத்தி கதாநாயகியாகவும் நடிக்க, முக்கிய வேடத்தில் நகைச்சுவை நடிகர் யோகி பாபு நடிக்க,இவர்களுடன் ஜெய்பீம் மொசக்குட்டி கவிதா ரவி ஜானகி உள்பட பலர் நடித்துள்ளனர்
இப்படத்தின் கதை திரைக்கதை வசனம் எழுதி இயக்குகிறார் ராசா ஆனந்த். இப்படத்தின் ஒளிப்பதிவை வெற்றிவேல் முருகன் கவனிக்க, ஜெகன் கல்யாண் இசையமைத்து வருகிறார், படத்தொகுப்பை ராஜேந்திர சோழன் மேற்கொண்டுள்ளார். இப்படம் குறித்து இயக்குனர் ராசா ஆனந்த். கூறுகையில், ‘கரும்புள்ளி கிராமம்’ படத்தின் கதை ஒரு குக்கிராமத்தில் உண்மையாக நடந்த ஒரு காதல் கதையாகும். இப்படத்தின் இறுதிக்கட்ட படப்பிடிப்பு தற்போது மும்முரமாக நடந்து வருகிறது. விரைவில் இப்படம் திரைக்கு வர தயாராகி வருகிறது என்கிறார்.
