‘குட் நைட்’, ‘லவ்வர்’ உள்ளிட்ட படங்களை தயாரித்த மில்லியன் டாலர் ஸ்டுடியோஸ் – எம். ஆர். பி என்டர்டெய்ன்மென்ட் ஆகிய நிறுவனங்களின் தயாரிக்கும் புதியபடத்தை அறிமுக இயக்குநர் அம்மாமுத்து சூர்யா இயக்குகிறார் .ஆர். ஜே. பாலாஜி நடிப்பில்,ரொமாண்டிக் காமெடி திரைப்படமாக உருவாகும் இப்படத்துக்கு, ‘ஹேப்பி எண்டிங்’ என தலைப்பிடப்பட்டுள்ளது. இப்படத்தின் டைட்டில் டீசர், தீபாவளியன்று வெளியிடப்பட்டுள்ளது.இப்படத்தில் ஆர். ஜே. பாலாஜி இதுவரை ஏற்றிராத புதுமையான வேடத்தில் நடிக்கிறார். ஆண் பெண் உறவுகளை, இதுவரை தமிழ் சினிமா காட்டியிருக்கும் மரபிலிருந்து மாறுபட்டு, இன்றைய உலகின் உறவு சிக்கலை படம்பிடித்துக் காட்டுகிறது இந்த டீசர். பெண்களின் பலவிதமான எதிர்பார்ப்புகளில் சிக்கிக்கொண்டு அடி வாங்கும் இளைஞனை, ஒரு புதுமையான ஐடியாவில், அசத்தலாக காட்சிப்படுத்தியிருக்கும், டீசரை ரசிகர்கள் பாராட்டி வருகின்றனர். இன்றைய நவ நாகரீக உலக இளைஞர்களின் வாழ்வியலைச் சொல்லும் வகையில், மிக புதுமையான திரைக்கதையில் இப்படத்தினை அறிமுக இயக்குநர் அம்மாமுத்து சூர்யா, உருவாக்கியுள்ளார்.ஷான் ரோல்டன் இசையமைத்து வருகிறார்.
