இந்தியன்-2 படத்தை தொடர்ந்து இயக்குனர் ஷங்கர், ராம் சரன் நடிப்பில் என்ற திரைப்படத்தை இயக்கி முடித்துள்ளார். இப்படத்தில் ராம் சரண் இரட்டை கதாபாத்திரங்களில் நடித்திருப்பதாக கூறப்படுகிறது. இவருடன் , நடிகை கியாரா அத்வானி, அஞ்சலி, எஸ்.ஜே.சூர்யா உள்ளிட்ட பலரும் முக்கியமான கதாபாத்திரங்களில் நடித்துள்ளனர். இயக்குநர் கார்த்திக் சுப்புராஜ், இப்படத்திற்கு திரைக்கதை எழுதியுள்ளார். சாய் மாதவ் புர்ரா வசனங்களை எழுதியிருக்கும், இப்படத்திற்கு இசையமைப்பாளர் தமன் இசையமைத்துள்ளார்.இப்படம் அடுத்த வருடம் பொங்கல் பண்டிகையை முன்னிட்டு, ஜன 10ம் தேதி திரையரங்குகளில் வெளியாக உள்ளதாக படக்குழு அறிவித்துள்ளது. இந்நிலையில் ப்படத்தின் டீசரை நடிகர் ராம்சரண் லக்னோவில் வெளியிட்டுள்ளார். இந்நிகழ்வில் கியாரா அத்வானி,எஸ்.ஜெ.சூர்யா,அஞ்சலி தயாரிப்பாளர் திலராஜ் உள்ளிட் டவர்கள் கலந்து கொண்டனர். இந்நிகழ்வில் கலந்து கொண்ட எஸ்.ஜெ. சூர்யா பேச தொடங்கும் போது அங்கிருந்த ரசிகர்கள் எழுப்பிய கரவொலி அடங்கவே சில நிமிடங்கள் பிடித்த து இதை பார்த்து மேலும் உற்சாகமான எஸ்.ஜெ. சூர்யா என்னை உங்களுக்கு தெரியுமா? என கேட்டதும் அங்கிருந்த ரசிகர்கள் அவர் நடித்த பல படங்களின் பெயர்களை கூறி வாழ்த்து கோஷமிட்டனர் “நான் வட இந்தியா திரையுலகில் வளர்ந்து வரும் நடிகன்.கேம் சேஞ்சர் திரைப்படம் கண்டிப்பாக ஒரு கேம் சேஞ்சிங் திரைப்படமாக அமையும் . என்றவர் ரசிகர்கள் மத்தியில் தான் தெலுங்கில் நடித்த சில படங்களில் இடம் பெற்ற வசனங்களை பேசி மேலும் கைதட்டல் வாங்கினார் .
சமூக வலைதளங்களில் வைரலாக பரவி வரும் இப்படத்தின் டீசரின் தொடக்கத்தில், “பேசிக்கா ராம் மாதிரி நல்லவன் எவனும் இல்ல..ஆனால் கோவம் வந்தா” என்ற டயலாக் உடன் தொடங்குகிறது. டீசர் முழுவதும் ஆக்சன் காட்சிகள் காட்டப்படுவதால், படத்தில் ஆக்சன் காட்சிகளுக்கு பஞ்சம் இருக்காது என்கின்றனர் இணைய வாசிகள்.
