இந்தியில் பெரும் வரவேற்பை பெற்ற “பிண்டு கி பப்பி” திரைப்படம் தற்போது தெலுங்கு, தமிழ், மலையாளம் மற்றும் கன்னடம் ஆகிய நான்கு மொழிகளில், மைத்ரி மூவி மேக்கர்ஸ் பட நிறுவனம் “கிஸ் கிஸ் கிஸிக்” என்ற பெயரில் வரும் மார்ச் 21 -ல் வெளியிடுகிறது.ஷிவ் ஹரே எழுதி இயக்கியுள்ள இப்படத்தில் சுஷாந்த், ஜான்யா ஜோஷி மற்றும் விதி, விஜய் ராஸ், முரளி ஷர்மா, சுனில் பால், அலி அஸ்கர், அஜய் ஜாதவ், பூஜா பானர்ஜி, அதிதி சன்வால், ரியா எஸ். சோனி, ஊர்வசி சௌஹான், பியூமோரி மேதா தாஸ், முக்ஷ்வர் மேத்தா தாஸ் மற்றும் கணேஷ் ஆச்சார்யா ஆகியோர் இணைந்து நடித்துள்ளனர். இந்த படத்தின் டிரெய்லர் கடந்த மார்ச் 8 ஆம் தேதி வெளியானது.காதல், நகைச்சுவை மற்றும் அதிரடி நிறைந்த ஒரு முழுமையான பொழுதுபோக்கு படமான “பிண்டு கி பப்பி” கவர்ச்சிமிகு இளைஞனான ‘பிண்டு’ வாழ்வில் ஏற்படும் காதல் மற்றும் எதிர்பாராத திருப்பங்களைச் சொல்கிறது. நாயகன் பிண்டு ஒரு அழகிய இளம் பெண்ணைச் சந்திக்கிறான் . இந்த சந்திப்பு அவன் வாழ்கையில் பெரும் திருப்பத்தை ஏற்படுத்துகிறது. ஒரு முழுமையான என்டர்டெயினராக அனைத்து அம்சங்களுடன் கூடிய காமெடிப் படமாக, இப்படம் பார்வையாளர்களை கவர்ந்திழுக்கும் என்கிறது படக்குழு. .
காதல், நகைச்சுவை படமாக உருவான “கிஸ் கிஸ் கிஸிக்”!
