வேல்ஸ் ஃபிலிம் இன்டர்நேஷனல் டாக்டர் ஐசரி கே கணேஷ் திரைப்பட விரும்பிகளுக்கு பல்வேறு கதைக்களங்கள் மற்றும் கருப்பொருள்களை அடிப்படையாகக் கொண்ட சிறந்த திரைப்படங்களை தொடர்ந்து வழங்கி வருகிறார். 2025 மற்றும் 2026-ஆம் ஆண்டுகளில் திரையுலகில் போட்டி அதிகரித்த போதும், S.P ஹோசிமின் இயக்கத்தில் உருவான, இந்த ஆண்டின் நகைச்சுவையான ஒரு நல்ல பொழுதுபோக்கு திரைப்படமான ‘சுமோ’-வை தயாரிப்பு நிறுவனம் வெளியிட தயாராகி உள்ளது. ஏப்ரல் 25-ஆம் தேதி உலகளாவிய திரையரங்க வெளியீட்டிற்கு படம் தயாராகி வருவதால், நடிகர் ‘மிர்ச்சி’ சிவா தனது படப்பிடிப்பு அனுபவத்தை பகிர்ந்து கொண்டார்.” ‘சுமோ’ என்பது கேளிக்கை மற்றும் பொழுதுபோக்கு திரைப்படம் மட்டுமல்ல, பலவிதமான வாழ்க்கை முறைகளைக் கொண்ட அனைத்துத் தரப்பு ரசிகர்களையும் ஈர்க்கும் நட்பின் உணர்வுகளை உள்ளடக்கிய திரைப்படமாகும். இந்த படத்தில் பணிபுரிந்தது, ஒரு அற்புதமான அனுபவமாக இருந்தது. டாக்டர் ஐசரி கே கணேஷ் அவர்களே ஒரு மிகச்சிறந்த சினிமா நேசிப்பாளராக இருப்பதால், இந்த படத்திற்காக ஒரு பெரிய பட்ஜெட்டை செலவிடுவது பற்றி ஒருபோதும் அவர் மாற்றுக் கருத்து கொள்ளவில்லை.பிரியா ஆனந்த் எனக்கு மிகவும் பிடித்த நபராகவும், அதிர்ஷ்டசாலியான சக நடிகையாகவும் இருந்து வருகிறார். ‘வணக்கம் சென்னை’ திரைப்படத்திற்குப் பிறகு நாங்கள் மீண்டும் இணைந்து பணியாற்றியுள்ளோம். யோஷினோரி தாஷிரோ போன்ற ஒரு சிறந்த மனிதருடன் பணியாற்றுவது ஒரு அழகான அனுபவம். அவர் ஒரு பிரம்மாண்டமான தோற்றத்தைக் கொண்டிருக்கலாம், ஆனால் அவர் ஒரு குழந்தை போன்ற இதயம் கொண்டவர். அவர் இந்தியாவில் இருந்த ஒவ்வொரு தருணத்தையும் ரசித்ததுடன், நமது கலாச்சாரத்தையும் நேசித்தார். ‘சுமோ’ நகைச்சுவை மற்றும் உணர்ச்சிகளின் கலவையான ஒரு நல்ல பொழுதுபோக்கு திரைப்படமாக இருப்பதுடன், அனைவராலும் ரசிக்கப்படும்” என்று நடிகர் ‘மிர்ச்சி’ சிவா கூறினார்.
‘சுமோ’ திரைப்படத்தில் ‘மிர்ச்சி’ சிவா, பிரியா ஆனந்த் மற்றும் புகழ்பெற்ற ஜப்பானிய சுமோ மல்யுத்த வீரர் யோஷினோரி தாஷிரோ ஆகியோர் முதன்மையான வேடங்களில் நடித்துள்ளனர். ‘விடிவி’ கணேஷ், சதீஷ், ‘யோகி’ பாபு உள்ளிட்டோரும் முக்கிய வேடங்களில் நடித்துள்ளனர்.
காட்சிகளின் பிரம்மாண்டத்தை புகழ்பெற்ற ஒளிப்பதிவாளர் ராஜீவ் மேனனின் கேமரா கண்களில் படமாக்கப்பட, தரமான வெற்றிப்பாடல்களால் நன்கு அறியப்பட்ட நம்பிக்கைக்குரிய இசையமைப்பாளர் நிவாஸ் கே பிரசன்னாவின் இதமான இசையின் மூலம் படம் ஒரு இசை சாரத்தை பெறுகிறது. பிரவீன் K.L. இந்தப் படத்தின் படத்தொகுப்பு பணிகளை மேற்கொண்டு வருகிறார்.
டாக்டர் ஐசரி கே கணேஷ் தனது மதிப்புமிக்க தயாரிப்பு நிறுவனமான வேல்ஸ் பிலிம் இன்டர்நேஷனல் சார்பில் ‘சுமோ’வை தயாரிக்கிறார்.
