‘பென்ஸ் மீடியா பிரைவேட் லிமிடெட்’ சார்பில், ஏ.சி.எஸ் அருண்குமார், ‘அவ்னி சினிமேக்ஸ் பிரைவேட் லிமிடெட்’ சார்பில், குஷ்பு சுந்தர் ஆகியோர், இணைந்து தயாரித்திருக்கும் படம், கேங்கர்ஸ். இதில், சுந்தர் .சி, வடிவேலு, காத்ரின் தெரசா, வாணிபோஜன், முனிஷ்காந்த் , பக்ஸ், காளை , ஹரிஷ் பேரடி , மைம் கோபி , அருள்தாஸ் , சந்தானபாரதி, விச்சு , மாஸ்டர் பிரபாகர், மதுசூதன் ராவ், ரிஷி ஆகியோர்களுடன் விமல் , கௌரவ தோற்றத்தில் நடித்துள்ளார்.
‘கேங்கர்ஸ்’ திரைப்படத்திற்கான திரைக்கதை, வசனத்தை எழுதியிருக்கிறார், வெங்கட்ராகவன். இயக்கியிருக்கிறார், சுந்தர் சி. இசை – சி . சத்யா. ஒளிப்பதிவு – ஈ.கிருஷ்ணமூர்த்தி.
சுந்தர். சி, படம் என்றாலே கலகலப்புக்கும், கிளுகிளுப்புக்கும் பஞ்சமிருக்காது. ஒவ்வொரு படத்திலுமே சுந்தர்.சி பொழுதுபோக்கு அம்சத்தை மட்டுமே முன்னிறுத்தி எடுத்துச்செல்வார். அதேபோல் ‘கேங்கர்ஸ்’ படத்தினையும் பொழுது போக்கு படமாக கொடுத்திருக்கிறார்.
மைம் கோபி மற்றும் அருள்தாஸ் இருவரும் சகோதரர்கள். ஊரின் முக்கிய மனிதர்களாகவும், பள்ளி கல்லூரி தாளாளர்களாக வலம் வருகிறார்கள். இவர்களது பள்ளியில், கேத்ரின் தெரசா ஆசிரியையாக பணிபுரிகிறார். இந்தப்பள்ளியில் படிக்கும் சிலர் மர்மமான முறையில் காணாமல் போகிறார்கள். ஒரு நாள், பள்ளியிலேயே நன்கு படிக்கும் மாணவி ஒருவர் காணாமல் போகிறார். இது குறித்து, ஆசிரியை கேத்ரின் தெரசா போலீஸூக்கு புகார் கொடுக்கிறார். அதுவே, அவருடைய உயிருக்கு அச்சுறத்தலாகிறது. அந்த நிலையில், அதே பள்ளியில் பணிபுரியும் உடற்பயிற்சி ஆசிரியர் சுந்தர் சி, அவரைக் காப்பாற்ற முன் வருகிறார். அதன் பிறகு என்ன நடந்தது? என்பதை, எதிர்பாராத திருப்பங்களுடன், கலகலப்பாக சொல்வது தான் கேங்கர்ஸ்!
நீண்ட வருடங்களுக்குப்பிறகு, சுந்தர் சியும், வடிவேலும் ஒன்றாக இணைந்திருப்பது கேங்கர்ஸ் படத்தின் மிகப்பெரும் பலம். இந்த இருவரும் மீண்டும் இணைந்து, ரசிகர்களின் எதிர்பார்ப்பினை பூர்த்தி செய்திருக்கிறார்கள். ஒரே பள்ளியில் வேலை செய்யும் ஆசிரியர்களாக, இவர்களது கூட்டணி வெடிச்சிரிப்பினை வரவழைக்கிறது. அதிலும், உடற்பயிற்சி ஆசிரியராக நடித்திருக்கும் வைகை புயல் வடிவேலு, சிரிப்புச்சரவெடியை கொளுத்திப்போடுகிறார், படம் முழுவதும். நீண்ட நாளைக்குப்பிறகு பலவிதமான கெட்டப்புகளில், வடிவேலு தனது ரசிகர்களை வயிறு குலுங்க சிரிக்க வைக்கிறார். சுந்தர் சி தனது அலட்டிக்கொள்ளாத நடிப்பின் மூலமாக அவரது ரசிகர்களை, திருப்திப் படுத்தியிருக்கிறார்.
நாயகியாக கேத்ரின் தெரசா. ஆட்டம், பாட்டம் கொண்டாட்டம் என படம் முழுவதும் வலம் வருகிறார். கவனிக்கத்தக்க வகையில் நடித்திருக்கிறார்.
வாணி போஜன், நடிப்பதற்கு வாய்ப்புக் குறைவு! ஓகேவான நடிப்பு!
வடிவேலு, சுந்தர் சி இவர்களோடு சேர்ந்து, மைம் கோபி, அருள்தாஸ், ஹரிஷ் பெராடி, காளை, பக்ஸ், முனீஷ்காந்த், சந்தான பாரதி, விச்சு ஆகியோர், அனைவருமே ரசிகர்களை சந்தோஷப்படுத்துகிறார்கள்.
இசையமைப்பாளர் சத்யா, கமர்ஷியல் படத்திற்கான பாடல்களையும், பின்னணி இசையையும் கச்சிதமாக கொடுத்திருக்கிறார். பாடல்களில் இன்னும் கொஞ்சம் கவனம் செலுத்தியிருக்கலாம்.
ஒளிப்பதிவாளர், இ.கிருஷ்ண மூர்த்தியின் ஒளிப்பதிவினால் படம் கலர்ஃபுல்லாக இருக்கிறது.
வெங்கட் ராகவனின் திரைக்கதை, வசனம் படத்தை சுவாரஸ்யமாக நகர்த்திச் செல்கிறது.
இயக்கியிருக்கும் இயக்குநர் சுந்தர்.சி, தனது வழக்கமான பாணியின் மூலமாக, முழுக்க முழுக்க சிரிக்கும்படியான, ஒரு என்டர்டெயின்மென்ட் படத்தினை கொடுத்துள்ளார்.
‘கேங்கர்ஸ்’ – ரசிகர்களை மகிழ்விக்கும் சிரிப்புச்சரவெடி!
