நடிகர் தியாகராஜன் தயாரித்து வரும் ”சாஹசம்” படத்தில் பிரஷாந்தின் கதாநாயகியாக நடிக்க ஆஸ்திரேலியா அழகி அமண்டா ஒப்பந்தமாகி யுள்ளார்.
சாஹசம் படம் பாடல், ஆடல், அழகு ஆகிய மூன்றுக்கும் முக்கியத்துவம் தந்து எழுதப்பட்ட கதை என்பதால் இளமையான, அழகான நடனமாட தெரிந்த பெண்ணை கடந்த எட்டு மாதங்களாக இந்தியா முழுவதும் தேடிவந்து, அமண்டாவை கண்டு பிடித்து கதாநாயகி ஆக்கி உள்ளார் நடிகர் தியாகராஜன்.
இந்தியாவைச் சேர்ந்த அம்மாவுக்கும், இங்கிலாந்து நாட்டு அப்பாவுக்கும் பிறந்த 19 வயதே நிரம்பிய அமண்டா ஒரு ஆஸ்திரேலியா வாசி.
பாலே நடனத்தில் பல பரிசுகளை வென்ற அமண்டா லண்டன் நடிப்பு பள்ளியில் பட்டம் பெற்றவர். அம்மா சமைத்து போடும் இந்திய உணவை ரசித்து சாப்பிடுவாராம் அமண்டா.
நீளமான வசனங்களை கூட நொடியில் மனப்பாடம் செய்து கொண்டு வசனத்திற்கேற்ப உச்சரிப்புடன் நடிப்பில் வெளுத்து வாங்கிவிடுகிறாராம் அமண்டா.
அமண்டாவின் பழகும் விதம், காலம் தவறாமை, தொழில் சிரத்தை, கிரங்க வைக்கும் அழகு, மற்றும் கொஞ்சும் தமிழ் இவை எல்லாம் மொத்த பட குழுவினரையும் வியக்க வைத்ததாம். இப்படத்தில்,ஹாலிவுட் நடிகையான நர்கிஸ் பக்ரி ,ஒரே ஒரு பாடலுக்கு பிரஷாந்துடன் நடனமாடி உள்ளார்.
கதை- திருவிக்ரம், இசை- தமன், பாடல்கள்- மதன் கார்க்கி, நா.முத்துக்குமார், யுகபாரதி, கபிலன், ஒளிப்பதிவு:-சக்தி சரவணன், S.சௌந்தராஜன்,ஷாஜிகுமார். தயாரிப்பு நிர்வாகம்:- கே.ஆனந்த் மற்றும் K.சக்திவேல், அருண்ராஜ் வர்மா சாஹசம் படத்தின் மூலம் இயக்குனராக அறிமுகமாகிறார்.
திரைக்கதை, வசனம் எழுதி ஏராளமான பொருட்செலவில் சாஹசம் படத்தை ஸ்டார் மூவிஸ் சார்பில் தயாரிக்கிறார் நடிகர் தியாகராஜன்.
துரிதமாக தயாராகி வரும் சாஹசம் படம் முடிவடையும் தருவாயில் உள்ளது. சாஹசம் படத்தின் பாடல் காட்சிகள் மலேசியா, ஜப்பான், கொரியா நாடுகளில் படமாக்கப்பட உள்ளது.
சாஹசம் படத்தின் பாடல் வெளியீட்டு விழா வெகு விரைவில் நடைபெறும்.
பிரஷாந்தின் சாஹசம் படம் மே மாதம் வெளி வருமென எதிர்பார்க்கலாம்.
மிகப்பெரிய எதிர்ப்பார்ப்பை ஏற்படுத்தியுள்ள சாஹசம் படம் ரசிகர்களின் ஆவலை பூர்த்தி செய்யும் வண்ணம் இருக்குமாம்.
