ஜோதிகா நடிப்பில் இயக்குநர் ராதா மோகன் இயக்கத்தில் வெளிவந்து மாபெரும் வெற்றி பெற்ற திரைப்படம் ” மொழி “.
இப்படத்தை அடுத்து பத்து வருடத்திற்குப் பின்னர் ஜோதிகா இயக்குநர் ராதா மோகன் கூட்டணி “ காற்றின் மொழி “ படத்தில் இணைகிறது.
இப்படத்தை பாப்டா மீடியா ஒர்க்ஸ் நிறுவனம் சார்பாக ஜி.தனஞ்ஜெயன் , எஸ்.விக்ரம் குமார் , லலிதா தனஞ்ஜெயன் ஆகியோர் தயாரிக்கிறார்கள். ஹிந்தியில் வெளியாகி வெற்றி பெற்ற துமாரி சுலு திரைப்படத்தின் ரீமேக்தான் இந்தப்படம்.என்றாலும் சில மாறுதல்கள் தமிழுக்காக.!
இப்படத்தின் பூஜை மங்களகரமாக ஜூன் 4 ( இன்று ) நடைபெற்றது. இதில் சிவகுமார் கலந்துகொண்டு மேலும் சிறப்பு சேர்த்தார். இப்படத்தின் படப்பிடிப்பு சென்னையில் தொடர்ந்து 50 நாட்கள் நடைபெறவுள்ளது. அனைத்து நடிகர்களும் இப்படத்துக்குக்காக நிறைய நாட்கள் கால்ஷீட் வழங்கியுள்ளனர்.
இப்படத்தில் விதார்த் , லட்சுமி மஞ்சு ,எம்.எஸ். பாஸ்கர் , மனோபாலா , குமாரவேல் , மோகன் ராமன் , உமா பத்மநாபன் , சீமா தனேஜா , சிந்து மற்றும் பல நடிகர்கள் முக்கிய கதாபாத்திரத்தில் நடிக்கிறார்கள். 
இசை எ.எச்.. காஷீப் , பாடல் மதன் கார்க்கி , கேமரா மகேஷ் முத்துசாமி , கலை கதிர் , உடை பூர்ணிமா , எடிட்டர் பிரவீன் , வசனம் பொன் பார்த்திபன் , பத்திரிக்கை தொடர்பு ஜான்சன்.
