இப்போதைய சூழலில் ஒரு படம் 30 நாள் ஹவுஸ்புல்லா ஓடினாலே அது சில்வர் ஜூபிலி படம்னு சொல்லிக் கொள்ளலாம். தட்டுத்தடுமாறி படங்கள் ஓடிக் கொண்டிருக்கும் இந்த காலத்தில் சூர்யாவின் கடைக்குட்டிசிங்கம் ஆல் ஏரியா ஹெவி கலெக்சன் என்பது தியேட்டர்காரர்களுக்கு ஆறுதலாக இருக்கிறது. விநியோகம் பண்ணிய சக்திவேலனுக்கும் சந்தோசம்.
படத்துக்கு தியேட்டர்கள் கிடைப்பது கஷ்டம். கிடைத்தாலும் நைட் ஷோ போட்டுக்கிறியா.இல்லேன்னா மார்னிங் ஷோ தாரேன் என்று தியேட்டர்காரர்கள் முறுக்கிக் கொள்கிறார்கள்.
மிகுந்த எதிர்பார்ப்புகளுக்கு இடையில் வரப் போகிற படம்தான் உலகநாயகன் கமல்ஹாசனின் விஸ்வரூபம் 2. சென்சார் அனுமதித்தாலும் சில அரசியல் கட்சிகள் யாரையாவது தூண்டி விட்டு கட்டையைப் போடுவார்கள் ,அதன் வழியாக கமலிடம் ஆட்டைய போடமுடியுமே! குறிப்பாக உலகநாயகன் கமல்,தளபதி விஜய் ஆகியோர் படம் என்றால் ஆளும் கட்சியினரின் கண்களில் சிவப்பு விளக்கு எரியும்!
இவர்கள் இருவரும் அனுபவிக்காத அவஸ்தைகளா,? குடல் கருகும் வரை குடைச்சல் கொடுப்பார்கள். இதையெல்லாம் தாண்டி வெற்றி பெற்றாக வேண்டும். அதனால்தான் கமல் தனது படத்துக்காக ஒவ்வொரு வீட்டுக்குள்ளும் புகுந்து தனது படத்துக்கான ஆதரவை பிக்பாஸ் வழியாக தேடிக் கொண்டு வருகிறார். அண்மையில் மும்பை சென்று சூப்பர் ஸ்டார் சல்மான்கானின் முன்னிலையில் புரமோஷன் நிகழ்ந்தது.
ஆகஸ்ட் வரை இன்னும் என்னென்ன வழிகளில் விஸ்வரூபம் எடுக்கப்போகிறாரோ?
