இயக்குனர் ஏ.ஆர். முருக தாஸ் தற்போது ரஜினி, நயன்தாரா ஆகியோரது நடிப்பில், தர்பார் படத்தை இயக்கி வருகிறார். இப்படத்தின் படப்பிடிப்பு மும்பையில் நடந்து வருகிறது. இந்நிலையில்,ஹாலிவுட்டில் பிரபலமான இயக்குனர், நடிகர் ,கதையாசிரியர் .இயக்குனர் மற்றும் படத் தயாரிப்பாளருமான பில் டியூக், இயக்குனர் ஏ.ஆர்.முருகதாஸ்,ரஜினிகாந்த் உள்ளிட்டோருக்கு டுவிட்டர் மூலம் கூறியுள்ளதாவது, எனக்கு தமிழ் பேச தெரியாது. ஆனால் நான் ரஜினிகாந்தின் தூரத்து சொந்த உறவினராகவோ,அல்லது நயன்தாராவின் சித்தப்பா அல்லது மாமாகவோ என்னால் சிறப்பாக நடிக்க முடியும் என நம்புகிறேன். அனிருத் இசையில் ,ஸ்ரீகர் பிரசாத் படத்தொகுப்பில் ஹிட்டான பாட்டு ஒன்றுக்கு அனைத்து நடிகர்,நடிகைகளுடன் இணைந்து நடிக்க விரும்புகிறேன்.நீங்க என்ன நினைக்கீறீங்க என கேட்டு ள்ளார். இதற்கு இயக்குனர் ஏ.ஆர். முருகதாஸ் சார், உண்மையிலேயே நீங்க தானா என்ற ஆச்சரியத்தை வெளியிட்டுள்ளார். ஹாலிவுட் ஹீரோவின் இந்த டுவிட்டை பல நெட்டிசன்கள் நம்ப மறுத்து, பில் டியூக், உங்க அக்கவுண்ட்டை யாரோ ஹேக் செய்து விட்டார்கள் என தெரிவிக்க,இல்ல நான்தான் டுவிட் போட்டேன் எனக்கூறி அனைவரையும் ஆச்சரியத்தில் மூழ்கடித்துளார்.
