விஜய் நடிப்பில் உருவாகியுள்ள அவரது 64 -வது திரைப்படமான ’மாஸ்டர்’ வரும் பொங்கல் தினத்தில் வெளியாகும் என எதிர்பார்க்கப்படுகிறது.இந் நிலையில் விஜய்யின் 65வது படத்தை ஏஆர் முருகதாஸ் இயக்குவதாகவும் தொலைக்காட்சி நிறுவனம் ஓன்று தயாரிக்க உள்ளதாகவும் தகவல்கள் வெளியான நிலையில், திடீரென ஏ.ஆர். முருகதாஸ் அந்த படத்தில் இருந்து விலகினார். இதனை அடுத்து விஜய்யின் அடுத்த படத்தை இயக்குபவர்கள் பட்டியலில் ஒருசில இயக்குனர்களின் பெயர்கள் மீண்டும் அடிபட்டது. இப்பட்டியலில் சிவகார்த்திகேயனின் ’டாக்டர்’ படத்தை இயக்கி வரும் நெல்சன் பெயர் முதலாவதாக இடம் பெற்றிருந்ததாகவும் கூறப்பட்டது.இந்நிலையில் விஜய்யின் 65 -வது படத்தை இயக்குனரும் நடிகருமான எஸ்.ஜே.சூர்யா இயக்க உள்ளதாகவும், எஸ்ஜே சூர்யா சொன்ன கதை விஜய்க்கும் ‘சன்’ தயாரிப்பு நிறுவனத்திற்கும் பிடித்து விட்டதால், ’தளபதி 65’ படத்தின் இயக்குனர் எஸ்.ஜே. சூர்யா தான் என்றும்,வரும் ஜனவரி முதல் இந்த படத்தின் படப்பிடிப்பு தொடங்கும் என்றும் கூறப்படுகிறது ஏற்கனவே விஜய், ஜோதிகா நடிப்பில் ’குஷி’ என்ற படத்தை எஸ்ஜே சூர்யா இயக்கியுள்ளது குறிப்பிடத்தக்கது.
விஜயின் 65-வது படத்தை இயக்கும் எஸ்.ஜே. சூர்யா?
