ரஜினிகாந்த் நடிப்பில், நெல்சன் இயக்கத்தில் கடந்த ஆண்டு வெளியான ’ஜெயிலர்’ திரைப்படம்ரசிகர்கள் மத்தியில் நல்ல வரவேற்பை பெற்றது.இந்த நிலையில் இந்த படத்தின் இரண்டாம் பாகம், லோகேஷ் கனகராஜ் இயக்கும் ‘தலைவர் 171’ படத்திற்கு பிறகு ’ஜெயிலர் 2’ உருவாகும் என கடந்த சில நாட்களாக சமூக வலை தளங்களில் வெளியாகி வருகிறது. 
இந்நிலையில், தற்போது ’ஜெயிலர் 2’ படத்தில் ரஜினிக்கு இரண்டு ஜோடிகள் என்றும், அதில் ஒருவர் நயன்தாரா என்றும், மற்றொருவர் பிரபல பாலிவுட் நடிகை என்றும் இயக்குனர் தரப்பு முடிவு செய்துள்ளதாகவும் தகவல் வெளியாகியுள்ளது.இந்த நிலையில் ’ஜெயிலர் ’ படத்தில் முதல் பாகத்தில் ரஜினிக்கு ஜோடியாக நடித்த ரம்யா கிருஷ்ணன் என்ன ஆனார் என்றும் இது ஜெயிலர் படத்தின் 2 ஆம் பாகம் தானா?அல்லது வேற கதையா என கேள்வி எழுப்பி வருகின்றனர்.
